Shpresat me goleadë në miqësoren ndaj Apolonisë

Kombëtarja shqiptare U-21 ka fituar me rezultatin 6-1 miqësoren ndaj Apolonisë, në takimin e zhvilluar mbrëmjen e të enjtes në stadiumin “Elbasan Arena”.
Goli i parë erdhi nga një penallti e realizuar nga Indrit Tuci në minutën e tretë.
Më pas, ka qenë radha e Ernest Muçit në minutën e 32-të për të dyfishuar rezultatin teksa në minutën e 36-të është sërish Indrit Tuci që shënon për kuqezinjtë. Në minutën e 37-të vjen edhe goli i vetëm i Apolonisë me autor Haxhiun, i cili ndëshkon ekipin përfaqësues U-21.
Pjesa e parë mbyllet me rezultatin 3-1. Pjesa e dytë flet sërish për Shpresat. Në minutën e 52-të katërfishon rezultatin Lirim Qamili. Në minutën e 85-të shënon golin e pestë Redon Xhixha, ndërsa në të 88-n është radha e sulmuesit Bullari të shënojë emrin e tij në listën e golashënuesve, duke sigluar rezultatin në shifrat 6-1.

Ditën e shtunë, ekipi shpresa do të luajë një ndeshje tjetër miqësore ndaj Tiranës në stadiumin “Selman Stërmasi”, ndeshjen që starton në ora 16:00.

Challandes: Marrë përgjegjësinë, por nuk jap dorëheqje

Shqipëria niset drejt Kazakistanit