Reja komenton shortin: Do jetë e vështirë, por do të provojmë

Menjëherë pas përfundimit të shortit, trajneri Edi Reja ka dhënë një konferencë për shtyp virtuale, duke treguar përshtypjet e tij për grupin i cili në pamje të parë duket shumë i vështirë.

Trajneri i kuqezinjëve është munduar të tregohet realist për atë që do të na duhet të përballet.

Edi Reja: Kemi qëlluar të jemi në një grup shumë të vështirë, duke përjashtuar këtu Anglinë që është kokë grupi dhe sigurisht do të ishte një ekip i fortë, mjaft skuadër e vështirë dhe në formë është Polonia e Levandovskit. Gjithashtu edhe Hungaria është në një formë të mirë. Sigurisht paraqitja mirë në Ligën e Kombeve na jep mundësinë që t’i luajmë ndeshjet dhe mos ta fillojmë këtë fushatë eliminatore si të humbur, megjithatë shpresoj që kur të zhvillohen këtoi ndeshje në vitin e ardhshëm të kemi tifozët në stadium që do të jenë një plus i madh.

Po cilat janë synimet tona, pavarësisht vështirësive në letër?

Edi Reja: Vërtet nuk kemi një objektiv për të fituar por do të dëshironim një vend të dytë gjë që edhe me Poloninë na bëhet e vështirë, por ne do të provojmë, sido të jetë këto ndeshje do të jenë një ekpseriencë shumë e madhe për ne dhe për këta lojtarë. Duke parë këtë gjë ne si objektiv kemi kualifikimin në Europianin e 2024, që do të thotë se deri atëherë ne do të kemi mundësinë edhe për të krijuar përvojën e mjaftueshme.
Ndërkohë trajneri ka zbuluar se edhe vota e tij pikërisht përpara fillimit të shortit për lojtarin e vitit ka qenë për sulmuesin polak të Bajernit të Mynihut Robert Levandovskin një nga lojtarët kyresorë edhe të Polonisë, kundërshtarit tonë.

Shorti: Shqipëria përballë Anglisë, Kosova me Spanjën

Challandes, komenton shortin e Kosovës